பனித்துளிப் பவுடரடித்து வரும் காற்று
சிறு சொர்க்கக் கிறக்கத்தில்
அரை விழி மூட
தலை கோதிவிடுகிறது
புறக்கை மயிலிறகாய்
சில்லென்ற ஸ்பரிசத்தில்
காதுமடல் தாண்டிக்
கன்னத்தை வருடுகிறது
பின்னங்கழுத்தில்
உஷ்ண மூச்சாய்ப் படர்கிறது
சேலை விலகிய
இடை ஊடறுத்துத் தழுவியும்
நழுவுகிறது
ஆயினும்
காதல் தீப்பிழம்பு குளிரக்
கட்டியணைத்ததன் மாரில்
ஒரு சில கணம்
முகம் புதைக்க முடிவதில்லை
பனித்துளிப் பவுடரடித்து வரும்
அதிகாலை நேரக் காற்றை!
_ ரிஸ்கி ஷெரீப்
கருத்துகள் இல்லை:
கருத்துரையிடுக