கடித்துத் துப்பிய
நகத் துண்டங்களை
அவனும்
அவன் சோர்வை
எரித்துத் தீய்த்த
சிகரட் துண்டங்களை
அவளும்
இற்றைக்கும்
மறைத்தொளித்துத்தான்
சேமித்து வருகிறார்கள்
இருவேறு வீடுகளில்
வெவ்வேறான வாழ்க்கையை
ஆரம்பித்த பிறகும்!
ரிஸ்கி ஷெரீப்.
களங்கமில்லாக் கவிதை மனசுக்காரர்களுக்கானதே....இந்த மருதாணித் தோட்டம்!
வெள்ளி, 29 நவம்பர், 2013
இருவேறு வீடுகளில்...
கடித்துத் துப்பிய
நகத் துண்டங்களை
அவனும்
அவன் சோர்வை
எரித்துத் தீய்த்த
சிகரட் துண்டங்களை
அவளும்
இற்றைக்கும்
மறைத்தொளித்துத்தான்
சேமித்து வருகிறார்கள்
இருவேறு வீடுகளில்
வெவ்வேறான வாழ்க்கையை
ஆரம்பித்த பிறகும்!
ரிஸ்கி ஷெரீப்.
செவ்வாய், 26 நவம்பர், 2013
முகம் கழுவும் மலர்
அதிகாலைப் பனிப் புனலில்
தன் முகம் கழுவிக்கொள்கிறது
உறக்கம் கலைந்தெழும் மலர்!
- ரிஸ்கி ஷெரீப்.
திங்கள், 25 நவம்பர், 2013
தனித்துச் சுருண்டு படுக்கும்...
அரிதாரம் பூசித் திருத்தி
எத்தனை அழகுபடுத்தினாலும்
அழியாக் கருமைப் புள்ளியாக
உறுத்திக்கொண்டுதானிருக்கிறது
வறுமை வரைந்த சித்திரங்களில்
தரைவிரித்த பாயில்
தனித்துச் சுருண்டு
ஒருக்களித்துப் படுத்திருக்கும்
அகோரப் பசியின் அவலம்!
- ரிஸ்கி ஷெரீப்.
வியாழன், 21 நவம்பர், 2013
பனியுறைந்த நதியுலாவும்...
பனியுறைந்த நதியுலாவும்
மீனாகத்தான் இருக்கிறேன்
என் குளிரை
உன்னில் போர்த்திய
கணம் முதல்!
- ரிஸ்கி ஷெரீப்.
கசக்கும் மாத்திரைகளாக...
கசக்கும்
மாத்திரைகளாக
நான்கு சுவர்களுக்குள்
தனித்தமர்ந்தழுது
விழுங்கித்தான்
ஆகவேண்டியிருக்கிறது
அவ்வப்போது
சிறு பெரு துயர்களையும்!
-ரிஸ்கி ஷெரீப்.
திங்கள், 18 நவம்பர், 2013
சனி, 16 நவம்பர், 2013
உன் எச்சில் சுவையோடு...
உலர்ந்த
உன் உதடுகளில்
புரிகிறது
அதீத தாகம்தான்
ஆயினும்
மறந்தேனும்
ஒரு மிடறில்
அருந்திவிடாமல்
உன் எச்சில் சுவையோடு
சிறுதுளியேனும்
மிச்சம் வைத்துப் போ
நான் போட்டு
நீயருந்தும்
தேநீரில்!
- ரிஸ்கி ஷெரீப்
வெள்ளி, 15 நவம்பர், 2013
என் ஊஞ்சலில் உன் காதல்
இப்போதைக்கும்
என் ஊஞ்சலை
ஆட்டுவிக்கிறது
எப்போதோ
நீ விட்டுச்சென்ற
காதல்!
- ரிஸ்கி ஷெரீப்.
தொலைதூரம்
இப்போதெல்லாம்
தொலைதூரமாகத்தான்
தெரிகிறது...
எனை விட்டுத் தள்ளி
நீயமர்ந்திருக்கும்
குறுந்தூர இடவெளியும்.
- ரிஸ்கி ஷெரீப்.
வியாழன், 14 நவம்பர், 2013
எச்சில் உறைந்த பசி
சிறுதுளி மழையில்
நனைகிறது தனிமை
நீண்ட தண்டவாளமாய்
மல்லாக்கப் படுத்திருக்கிறது...
ஏக்கம் மேவிய
தொண்டையிடுக்கில்
எச்சில் உறைந்த பசி
கண்ணுக்கெட்டாத்
தொலைதூரமாயினும்
அவசியம் கருதி
அவசரமாயொரு துளி
எடுத்து வரமாட்டாயா
என் குளிரருந்தக்கூடிய
உன் மூச்சுக்காற்று
மின்சாரத்தை!
_ ரிஸ்கி ஷெரீப்.
செவ்வாய், 12 நவம்பர், 2013
வியாழன், 7 நவம்பர், 2013
சனி, 2 நவம்பர், 2013
அலுப்பு
நசிந்து சிதறிச் செத்தவிந்த
எலியின் வீச்சம்
புகை வளையங்களாய்க்
கரையும் ஊதுபத்தி வாசம்
இரண்டுக்குமிடையிலான
அதிருப்திச் சுவாசம்
இப்போதெல்லாம்...
ஏனோதானோவென்று
அலுத்துப் போய்க்கொண்டிருக்கிறது
ஆட்சியும் வாழ்க்கையும்!
- ரிஸ்கி ஷெரீப்.
அழகோவியத்தின் தலைக்கனம்
அழகோவியத்தின் தலைக்கனத்தை
தம் உடல் முழுக்கப்
போர்த்திக் கொள்ளும் விரல்கள்
அமைதியாகத்தான் இருக்கிறது...
ஆலாபனைக்குப் பின்னயர்ந்து
சுருண்டு படுத்தெழுந்தின்னும்
குளித்து முழுகாத தூரிகை!
_ ரிஸ்கி ஷெரீப்.
கறுப்பு இரவுகள்
அழகாய்த்தான் விடிகின்றன
எனது அதிகாலைகளும்
பகலின்
பசி மயக்கத்தில்
இரவுகள் மட்டும்
எப்போதும்போலவே
கறுப்பாகத்தான் கரைகின்றன
ஒளியற்ற நிலா செத்து!
- ரிஸ்கி ஷெரீப்
விழித்துளி நெருப்பு
முள்ளந்தண்டில் சுடுகிறது
உன்
விழித்துளி நெருப்பு!
ரிஸ்கி ஷெரீப்
கவிதைக்காரன் டயரி
கவிதைக்காரன் டயரியில்
கிறுக்கல்களாகத்தான் தெரியும்
அழகான அவன் மனசும்!
- ரிஸ்கி ஷெரீப்.
இதற்கு குழுசேர்:
இடுகைகள் (Atom)